Monday, April 07, 2014

一入豪門深似海!

買第一個LC 時, 有位好朋友係我Facebook 留言 " 一入豪門深似海 "
我答佢 " 有無咁誇張啊, 買一個黎打邊爐咋, 我唔識煮飯"

的確, 我第一個cobalt blue 22cm round 買左兩個月
都祇係用過黎打邊爐, 同埋整煲仔飯


近日竟然有煮食用具同食材搵我寫野
實不相瞞(這件事其實係無得瞞) 我係唔懂, 唔曉煮飯,
但係佢地竟然係睇中我唔識煮飯同唔識買送呢個point @_@||
多年來, 我一講起煮飯( 千年唔逢一潤),
我老公就會出力游說我出街食 : 唔好煮喇, 今日咁攰, 又要去買送, 
不如陪個女落公園玩轉仲好啦~~~玩完落街食好方便~
我 : 下, 我想留係屋企喎~
老公 : 又得, 咁打邊爐啦~~~

點解? 因為無人鐘意聽技安唱歌~~~
明晒 XD

但係, 我老公每次去我D朋友家食飯, 總是讚不絕口
而佢每次聽見去某某家食飯, 總是十分祈待
其實我心底裡十分仰慕識煮飯既人....亦好希望我老公會祈待我煮飯.....

自從買左呢個 cobalt blue 22cm round 之後..... 我老公好似明白了...


好攪笑, 我D朋友其實好清楚我....
就係前幾日.....
本來都唔打算去開倉....... 點知最後..........

茄妹...... Skye, 仲有Jasmine!!! 


你地攪大我個肚...... 你地要付責任啊~~~


都係怪我定力唔好, 會場氣氛實再不得了!!!
結果.........我買左5 大袋.......OMGGGGGGGGG


好開心.....但係又好驚....



好驚我唔用既話, 呢堆, 就祇不過係貴價法國鐵同石頭罷了.......


買個時, 我係咁問友人 : 呢個用黎做乜?


茄  : 唔知架, 做乜都得~~~


就算唔知買黎做乜, 佢一句 : 唔好諗, 買左先算!


而我就好像一個無知少女不停答 :o我~~~~ ( 就往巨大購物袋裡塞)


覺得自己最young 既一次, 就係咁無知地, 問完而唔知買黎做乜都照買......@_@


心心啊~~~


花花啊~~~


舉重係列啊~~~


見到係Pink 係 Baby blue 就買


呢堆買比叔仔入伙~~~ 佢老婆開心到痺~~~


呢個係我最最最買黎唔知做乜又最大舊既 stoneware


沙律Bowl當生果Bowl, 靚靚~~~


然後個日, 我湊女放學之前.....竟然去買送.....@_@


我係一田個超市一路買, 一路忍唔住笑.....係個隻唔好意思尷尬既笑...
你地係唔會明, 我試過去買菜, 個啊姐問我買幾多,
我問完佢點賣, 再問一斤有幾多條, 然後我都係唔知買幾多....
我問阿姐兩個人食要買幾多......... 連阿姐都笑我........ @_@



買送好唔簡單, 又要買主要既料, 配菜, 調味...
D 餸又重, 拎到我手斷....

睇左D 食譜, 整紅酒燴牛尾
食譜 : http://owenmama730.blogspot.hk/2012/02/blog-post_22.html
(其實我最後係亂咁落, 無跟足)


錯手開左老公支靚紅酒....祇係用左1/4....@_@ (被打頭....)


好似得得地咁


與此同時, 我再整個Rosemary 車打芝士焗雞槌


呢塊煎板勁好用...係雙面, 另一邊可以煎牛扒有格仔紋


好快煎得好靚


嘩~~~~


買左一盒Rosemary, 用左十幾條葉......@_@


呢個係我最愛用既鹽


就咁樣已經好似好掂!


再落車打芝士


放入焗爐後,我就開始煎餃子


D 餃子一上碟即清...... @_@||| 小朋友勁愛呢隻韓國粉絲齋餃


整埋個6 min 露筍
一湯匙水, 開中火2min, 細火 2 min, 熄火焗2 min


打開仲係翠綠色......
心諗 : 熟未架.....
灑鹽...


試食! 勁稔啊!!! 好好味~


呢煲牛尾因為等個茄醬, 攪到遲晒


同時間唔好徙, 落個蒸架蒸埋水蛋


雞槌超得


個牛尾D汁超好味而且超入味!!!


可惜煲得唔夠耐, 唔夠稔! 水蛋好good!!!!


而呢晚既重點係,
老公一早約左佢D朋友食飯,
佢竟然錯過左呢次既千年唔逢一潤既超級住家菜, 可惜可惜!!! (老公飲恨中)


同我個廿幾年 best friend 湊住班細路, 食左呢餐超yummy 既晚飯!!
我真係比自己滿分, 唔知係D煲勁定係我有天份!
第一次整, 我自己都覺得難以致信!


快樂既兒童節, 最快樂, 係兩個寶貝終於有佢地親生阿媽煮既飯食
hahahahaa, 為左你地, 媽媽會繼續努力架~~~
( 洗左一大筆, 點都要做返D野比老公睇, 唔係點有籍口繼續買呢 XD )
日日食緊親生阿媽煮飯既各位要好好珍惜啊~~~
======================================================================
快D Like 我地既 Facebook, 跟貼我地既Blog update 啦~~

Tuesday, April 01, 2014

HLC & CoCo 兒童節小鼓勵~

4 月頭, 就快到兒童節~~ 做左媽媽之後,
我時常都搵機會氹兩個小寶貝( 兼且滿足我地購物欲 XD )
加上上個月 HLC 考試, 佢好努力地溫書,
所以想比D小鼓勵, 等佢見到 Mamii 送既禮物
記得Mamii 好錫佢, 而且繼續加油~



今日就去左 Thomas Sabo 揀禮物比兩個心肝椗~
( 我個VIP 已經係 2009 年 join ~~~ 好多人問我, 點解可以買到咁多, 買到有VIP , 其實因為佢D手鍊仔幾百蚊好底玩, 當年Christmas 我每個舖頭同事都送左一條, 我D妹我每人一set 頸鍊手鍊..... 咁樣咪快囉! hahahahaa )


每次去到Thomas Sabo 都有選擇困難!


就連揀個十字架都有幾款!


結果係揀左一大盆 ( 當然唔係全部要晒, 要簁返幾粒出黎啦)

呢份係送比HLC 既兒童節禮物, 係佢最愛既 sport ---溜冰~
希望你一直熱愛運動熱愛生命 :)


呢條係送比CoCo 既兒童節禮物,God love pink豬豬 , 希望CoCo always 記住God 與豬豬(CoCo) 同在 :)
( 其實媽媽第一件Thomas Sabo 就係呢條珠珠鍊, 當年祇係$290, 而家當然加晒價~ CoCo 成日巢我呢條鍊黎戴, 但係我個條好鬆, 呢條係kids size. 好可愛呢~)


而呢條就係送比HLC 考完試, 同黎緊佢第一次考豎琴既鼓勵禮物
媽媽知道你好緊張, 老師話HLC 技巧上無問睇, 唯獨佢怕面對人同埋唔鐘意係人面前表演同彈奏, 希望你戴住呢條手鍊能夠增強信心, 就好似媽媽同你一齊咁樣 :)


其實眾多Charm 手鍊品牌裡面 (其實翕得出既我都有買過, 我係charm 狂熱份子)
覺得Thomas Sabo 係最識合小朋友
因為佢唔會好重 XD ,而且可以自己扣長度


最重要係佢Charm 款特多, 諗得出既野都有
要串連一個故事好easy :)

咁亦代表買到破產既機會甚大....hahahahaha


而家佢地有個Promotion,
由3月29日至4月6 日,買任何指定Charm Club系列手鏈同
指定吊飾有9折!!!! 即係我買左成皮野先有既VIP discount
大家要快快行動啊~~~


為寶貝送上禮物
又要同CoCo 講解點解家姐有兩份

CoCo : 點解家姐有兩份架?
Mamii : 因為家姐要考試~
CoCo :Mamii, 我都想考試啊~~~
Mamii : ...................

3歲人仔又點明白咩叫考試呢?


不過Mamii 同佢地講左, 兩姊妹要分享佢地既野
( 我成日同佢地講, 有姊妹好好, D 衫褲鞋襪手袋都可以交換用, 因為Mamii 同姨姨由細到大都係咁 :) 到而家都係咁 ~~~ )


拆禮物既一刻~



Show 豬豬~~

好開心~~~


家姐仔都明白D charms 咩意思~~~


做乜佢見到Cherry 咁開心? 因為佢個best friend 叫 Cherri 囉~~

有一日, 我同HLC 講 : 媽媽細個最鐘意畫公仔時畫D音樂符號係D公仔隔離
HLC : 點解既? 係咪佢地唱歌?
Mamii : 係啊~~~同埋有音樂代表開心, 佢地開心咁樣哼歌~~~

所以, 媽咪一直無逼你練琴, 無逼你比賽,因為音樂係代表開心 :)


之前好多人都問, CoCo 成日戴住個隻Mini 鑽介係咪真!?


hahahaha, 真係好似架真架~~~~


其實呢個係Thomas Sabo 其中一個charm,


CoCo 戴住條God love 豬豬好開心咁同我講 : 同Mamii 一樣架~~


其實Thomas Sabo 同佢太太都有兩個小朋友,而且佢地對貧困兒童&青年援助工作特別關注, 佢地品牌有好多國際性慈善計劃,Charm Club 系列經常推出兒童慈善產品,收益係撥捐兒童慈善計劃 , 好似下面呢隻慈善熊仔就係兒童慈善產品之一喇~~~ 所以, 你係送禮物比你愛女同時, 亦分享緊你地既愛比其他有需要既人,十分有意義呢~


呢條係CoCo 一歲時我買比佢既生日禮物, 同年, HLC 亦收到我朋友送既呢條熊仔手鍊 :) 佢地可以一齊孖住戴 ( 各位朋友仔唔好再送呢個charm 比我地喇~~ wakakakaka )

Thomas Sabo Hong Kong Facebook Fans Page

https://www.facebook.com/ThomasSaboHongKong

======================================================================
快D Like 我地既 Facebook, 跟貼我地既Blog update 啦~~